昆沙變搶手貨　皇馬加入競爭

利物浦棄將昆沙近期受到杜曹器重，今夏世盃有佢份，今期歐國聯繼續入選，據報23歲守將獲多間歐洲豪門關注，皇馬打算加入競爭。

德國傳媒報道，昆沙2025年夏天離開利物浦，以3,500萬歐元轉投利華古遜立即獲得重用，至今上陣49場入5球，並入選今夏世盃英格蘭名單。

阿仙奴今夏曾向利華古遜提出收購昆沙，出價6,500萬歐元但遭拒絕，曾執教利華古遜嘅車路士領隊沙比阿朗素亦睇中昆沙，並曾與球員接觸，至於皇馬就係最新加入戰團。

昆沙現時與阿歷山大阿諾特輪換英格蘭右閘位置，如果佢最終加盟皇馬，喺皇馬又會同阿諾特爭位，不過昆沙可兼任中堅，兩人未必不能共存。