[东方报]歐國聯：意大利把握力曳入波唔慌多

同日另一場歐國聯A1組賽事，首仗齊齊輸波嘅土耳其同意大利交鋒，為免墊底今場唔可以再輸。土耳其中前場兩大主力缺陣，想入波唔係咁易，意大利主帥蒙迪拿「倒戈」會穩陣行先；至於意軍鋒線蜀中無大將，繼續靠防守食胡，今場開2.5球嘅入球細機會高。（周二凌晨2時45分開賽）

土耳其防守大有進步
土耳其喺今夏世盃分組賽出局，表現令人失望，歐國聯首戰對法國雖然輸波，但演出唔算失禮，最後踢少個情況下僅輸0比1，防守表現大有進步。土耳其進攻主力基倫耶迪斯同中場指揮官查漢奴古因傷缺陣，令球隊進攻創造力大受削弱，蒙迪拿相信都唔敢輕率搶攻。

意大利搵到文仙尼回巢執教，不過重建球隊需要時間，尤其意大利依家鋒線人才凋零，中場亦缺少創造型球員，上場就慘吞比利時兩蛋。意大利把握力曳，近5場賽事總入球全開2球或以下，當中對盧森堡都只係僅勝1比0，今場造訪土耳其入波有難度，多數靠防守搶分。